O Celta da a cara ante o negocio de Florentino – A carteira merengue sufriu frente a canteira celeste

Foto: Grada de Río no Celta-Madrid // Silvia B. P.

“O arte de vencer apréndese nas derrotas”

Simón Bolívar

Despois dunha noite como a do pasado domingo en Balaídos unha queda contenta pola entrega do equipo. Por ver de novo cos pés na terra a xogadores únicos e fundamentais para o noso Celta. A canteira colleu o timón coa convicción de deixar o barco amarrado á primeira división. Se xogamos todos os partidos coa entrega e intensidade do último encontro estaremos cada vez máis preto da salvación, de abandonar eses postos na táboa que destrúen o ánimo e encollen as pernas.

O domingo ficou claro que os tempos do autoodio e complexo dunha parte da afección son cousas do pasado. Maré celeste contra pingas brancas. Cinco anos no inferno non pasaron en balde para a afección celeste. Balaídos demostra unha madurez e intelixencia que poucos campos comparten. Alenta aos seus xogadores de principio a fin e cando máis o precisa o equipo, ruxe todo o estadio. As siareiras e siareiros do Celta somos inmunes á manipulación e aos intentos de criminalización da caverna mediática española, temos a mellor das vacinas, cerebro propio. A propaganda do pensamento único ten pouco efecto ante un celtismo soberano.

Os supostos galácticos do multimillonario Florentino Pérez sufriron para gañar a un dos “equipos pobres”, cun orzamento 17 veces inferior ao da casa branca. O señorío quedou patente, máis unha vez, nas perdas de tempo, na comparecencia de Karanka ou no desprezo de Ozil a Roberto Lago. O internacional alemán intercambiou a camisola co canteirán do Celta, porén non debía gustar dela e tirouna como un farrapo antes de entrar no vestiario, un desprezo que di moi pouco da deportividade do dez merengue.

Agora toca eliminar o sabor agridoce e gañar en Riazor os puntos da nosa liga. Terceira final para o Celta na que os xogadores estarán acompañados por unha afección que nunca se rende.

¿Quieres compartir la noticia?
Share on twitter
Share on whatsapp
Share on facebook
Ultimas noticias en Elgodigital
Contratiempo del Atlético frena fichaje de Felipe por el FC Barcelona
Wyze Watch el reloj inteligente que más aguanta a precio de risa
El Intermedio de Wyoming mete caña a Díaz Ayuso por su precario hospital