Paco Herrera non esquece Vigo

Escrito por S.B.P. en meuCelta.com. Se non estás lendo isto en meuCelta.com, o artículo orixinal atoparalo aquí …http://www.meucelta.com/?p=9484.Paco Herrera xa é adestrador do Zaragoza. Onte mesmo foi presentado oficialmente como novo técnico do conxunto maño, porén o seu paso polo Celta deixou un pouso difícil de esquecer. Desde que deixou de ser adestrador do equipo celeste, Paco Herrera demostrou por activa e por pasiva o seu amor polo conxunto olívico e pola súa afección. Os penaltis de Granada, o recibimento do equipo en Peinador e o ascenso, entre outros, foron os motivos da marca que deixou en Paco Herrera o seu paso por Vigo. Como “un celtista máis”, así se definía nunha extensa entrevista realizada por Marca.com a mediados de maio, na que Paco declarou confiar plenamente na salvación celtiña. Agora defende os intereses doutro clube e o subconsciente xogoulle unha mala pasada na súa presentación. Dixo Celta cando tiña que decir Zaragoza “É o que o Celta, ei perdón, o Zaragoza pode incorporar” continuou con “se me va todavía…” a modo de disculpa. O desliz sucedeu no minuto 5:50.
Olaza Celta